Ish – Kryeministri Berisha foli edhe për koalicionin me Ilir Metën por edhe për kalendarin e protestave dhe intensifikimin e aksionit të tyre opozitar.
Sipas Berishës koalicioni do të jetë shumë i fortë dhe beteja e këtij koalicioni është pikërisht shpëtimi i Shqipërisë, e cila ndodhet në rrezik.
A keni një koalicion formal me z. Meta dhe a keni diskutuar për kalendarin e protestave?
Koalicioni do të jetë shumë i fortë, por siç e dini në këtë betejë jemi një front në shpëtimin e Shqipërisë. Shqipëria në rrezik është një moto reale që po e ndjen çdo shqiptar. Çdo qytetar që po përjeton vjedhjen e qeverisë.
Me aferën e djegësave, ato para që po harxhohen aty, do të mjaftonin që të gjithë pensionistët të merrnin nga një pension të dytë.
Që nga data 2 qershor Edi Rama ka vendosur black-out sepse nuk do që ju të merrni informacione në lidhje me transfertat e organizatës së tij kriminale. Ndaj edhe ai ka vendosur black-out-in e plotë në thesarin online të shtetit.
A po synon opozita një intensifikim të aksionit të saj në muajin shtator?
Natyrisht nuk ka asnjë formë tjetër për ardhjen në pushtet, përveç votës së lirë të shqiptarëve.
